Шинэ Зеландад Англи хэл сурах уу?

Ажил, амьдралаа сайжруулахад Англи хэл чухал үүрэгтэйг мэдсээр байгаа ч, ажил-гэрийн хооронд завгүй гүйсээр л байна уу? Шинэ Зеланд улсад Англи хэл албан ёсны хэл, бас Англи хэлээр бүх сургалт явагддагийг Та мэдэхүү? Мөн хамгийн боломжийн сургалтын төлбөр төлж, үзэсгэлэнтэй байгаль, аюулгүй орчинд, олон орны залуустай мөр зэрэгцэн, шинэ соёл, шинэ туршлагаар баяжсан, сонирхолтой амьдралын аялал эхлүүлэх боломжийг бодож үзсэн үү?

Та санхүүгийн ба сургалтын төлөвлөгөө гаргаж байгаад 6-12 сараар ерөнхий Англи хэл, академик Англи хэл, мөн аялангаа, амрангаа Англи хэлийг сурах боломжийг Шинэ Зеланд улсаас хайгаад үзээрэй. Тус улсад Англи хэл суралцах нь ямар давуу талтайг эндээс уншаарай. #шинэзеланд #англихэл

Онцгой урамшуулал аваад, орчинд нь ядаж 6 сар сурвал "чих онгойгоод", өөртөө итгэлтэйгээр Англиар ярьж эхлэх боломжтой. Манай хамтрагч хэлний сургуулиуд Манай сургуулиуд Auckland, Wellington, Nelson, Palmerstone North хотуудад байрладаг, бүгд 1-р түвшний (Category 1) магадлан итгэмжлэлтэйсайн сургуулиуд тул сургалтын чанарт итгэж болно. Тэд #onzaeducation-ийн үйлчлүүлэгч, Монгол пасспорттой оюутанд стандарт төлбөрөөс 30-60% хөнгөлөлт санал болгож байна.

Ерөнхий англи хэлийг анхан шатнаас суралцах боломжтой (анхан шатнаас үзэх бол доод тал нь 12 сар суралцахыг зөвлөдөг). 1 ангид 10-25 оюутантай хамт суралцах ба өдөр бүр 4-5 цаг буюу 7 хоногт 20-25 цаг хэлээ сайжруулахад зарцуулж, 25 цаг хүртэл ажил хийж амьдрах зардлаа олох эрхтэй оюутны виз авна. 1 долоо хоногийн сургалтын төлбөр таны сонгох сургуулиас хамаарч 250-450NZ$ байх ба зарим сургууль 6+ сар сурвал 1 сар нэмээд үнэгүй сурах урамшуулал санал болгож байна. Товчхондоо 6 сар Англи хэл сурвал 6000NZ$ орчим төлбөрийг сургалтдаа зарцуулна гэж төлөвлөж болно. Амьдрах зардал үүнд орохгүй. Амьдрах зардлын талаар эндээс уншина уу.

Та Ерөнхий Англи хэл сурах бол ирсэн эхний өдөр нь Англи хэлний одоогийн түвшинг тогтоох шалгалт авдаг ба 8 түвшний ангийн тохирох ангид хуваарилдаг. Цаашид тогтмол 6 долоо хоногт тутамд шалгалт авч, түвшин ахисан бол дараагийн анги руу шилжүүлнэ. Таны сонгосон хэлний сургуулиас хамаарч, өглөө, өдөр, оройн ангиас сонгон Даваагаас Баасан гарагт өдөр бүр хичээллэх ба ирц 100% байх нь чухал. Сургууль ирцийг байнга бүртгэж, Цагаачлалын албанд тайлагнах үүрэгтэй ба ирц хангалтгүй бол визийг цуцлах, дараа дараагийн визний шийдвэрт сөргөөр нөлөөлдгийг анхаарах хэрэгтэй.

3-аас бага сараар Ерөнхий Англи хэлээ сайжруулах, Удирдах ажилтны, Бизнесийн Англи хэлээ сайжруулахыг төлөвлөж байвал Аяллын визээр ирж сурах боломжтой, ажил хийх эрхгүй. Англи хэл сурангаа аялах бол Аяллын виз мэдүүлэхэд биднээс туслалцаа авч болно. Бизнесийн англи хэлний курсэд 1 ангид 10 орчим оюутантай хамт суралцах ба дунд ба түүнээс дээш түвшний Англи хэлний ерөнхий мэдлэгтэй байх шаардлагатай. Удирдах ажилтны англи хэл суралцахад анхан шатны англи хэлтэй байж болох ба 7 хоногийн 10 цаг нь багаар буюу 10 орчим бусад оюутнуудтай ерөнхий англи хэлний хичээл орж, 10 цагт нь зөвхөн тухайн оюутны хэрэгцээнд нийцсэн ганцаарчилсан англи хэлний хичээл ордог. Мөн захиалгаар баг, хамт олноороо Англи хэлний сургалт, эсвэл Англи хэлний багшийн мэргэжил дээшлүүлэх куосэд суралцах боломжтой.

Манай хамтрагч сургуулиудаас

• байгууллага хамт олон, найз нөхдийн хүсэлтээр Удирдах ажилтны, Бизнесийн Англи хэлний тусгай группын хичээл захиалах боломж,

• англи хэлний багш нарын мэргэжил дээшлүүлэх тусгай хөтөлбөрийг харилцагчийн сургалтын хэрэгцээнд нийцүүлэн боловсруулж, хамгийн боломжит сургалтын багц төлбөрийг санал болгож байна.

Хэрвээ та зөвхөн Шинэ Зеландын их дээд сургууль, коллежид элсэн суралцах төлөвлөгөөтэй бол IELTS, TOEFL, PTE зэрэг шалгалт өгөлгүйгээр тухайн сургуулийнхаа Англи хэлний бэлтгэл курсэд (English for Academic Purpose, English for University, NZCEL) суралцаж болдог. Ялангуяа Шинэ Зеландын дотоодын Академик Англи хэлний NZCEL L4 ба L5 сургалтад 4-5 сар суралцаад дотоодын сургуулиудад элсэх боломжтой. Жишээ нь Та диплом, зэргийн хөтөлбөрт элсье гэвэл NZCEL L4 (IELTS 6.0-тэнцэх) сургалтыг амжилттай төгссөн байх хэрэгтэй ба IELTS оноогүйгээр Бакалаврын хөтөлбөрт элсэнэ. Үүний тулд одоо IELTS 5.5 оноотой байх эсвэл онлайнаар, биеэр ирж элсэх эрхийн шалгалт өгөх шаардлагатай (#ONZAEducation-ний үйлчлүүлэгч үнэ төлбөргүй түвшин тогтоолгоно). Түүнчлэн NZCEL L5 (IELTS 6.5-тэнцэх) сургалтыг (онлайнаар сурах боломжтой) амжилттай төгсөөд Мастер, Докторын зэрэгт элсэж болно.

Дээрх мэдээлэл, урамшууллууд нь 2026 ондоо элсэх нөхцөлд хүчинтэй.

Хэрвээ танд оюутны визэнд тавигдах шаардлагын талаар мэдээлэл хэрэгтэй бол эндээс уншина уу. Манай үйлчилгээний багцыг сонирхвол эндээс харна уу. Манай вэб сайтаар цаг товлож, Боловсролын Зөвлөхүүдтэй өөрийн нөхцөл байдлыг ярилцах боломжтой. Хэрэв эхлээд энэ анкетыг бөглөөд мэдээллээ ирүүлбэл, бид эргэн холбогдох боломжтой. Асуулт байвал onzaeducation@gmail.com хаягаар хандана уу.

ОНЗА Боловсролын баг