Сургалтын дараах ажлын виз

Шинэ Зеланд улс нь суралцахад таатай улс төдийгүй төгссөний дараа 3 хүртэлх жил ажиллах боломжтой Сургалтын дараах ажлын виз санал болгодог. Уг визийг одоогийн оюутны визний хугацаа дууссанаас хойш 3 сарын дотор мэдүүлэх шаардлагатай (6/30-нд виз дуусаж байвал, ажлын виз мэдүүлэх сүүлийн хугацаа 9/30 гэсэн үг). Энэхүү ажиллах хугацаандаа ихэнх гадаад төгсөгч байнгын оршин суугч (permanent resident) болох шаардлагыг хангадаг.

• Сурч байгаа түвшин, мэргэжлээс хамаарч сургалтын дараах ажлын виз 8 сараас 3 жилийн хугацаатай олгогддог. Жишээ нь, Магистр (L9), Докторын (L10) зэргээр сурч төгссөн оюутан 3 жилийн нээлттэй ажлын виз авах боломжтой (ямар ч ажил хийж болно).

• Ажлын санал хүлээн авсан Доктор зэрэгтэй оюутнууд шууд байнгын оршин суугчийн виз мэдүүлэх боломжтой ба Магистраар төгссөн оюутан 1 жил ажилласныхаа дараа уг визийг хүсэх боломжтой.

• Бакалаврын (L7-L8) зэрэгтэй төгссөн оюутан сурсан хугацаатайгаа ижил хугацаагаар нээлттэй ажлын виз хүсэх боломжтой.

• Харин L4-L7 түвшний суурь хөтөлбөрт суралцагчийн мэргэжил нь ажлын виз хүсэх боломжтой ажил мэргэжилд багтаж байвал (https://www.immigration.govt.nz/.../qualifications...) сурсан хугацаатайгаа ижил хугацаагаар "нөхцөлт" ажлын виз авах боломжтой (зөвхөн сурсан чиглэлээрээ ажиллаж болно).

• Сургалтын дараах ажлын визтай ихэнх гадаад ажилтны гэр бүлийн хүн мөн ажил хийх, хүүхдүүд нь улсын ЕБС-д төлбөргүй суралцах эрхтэй байдаг. https://www.immigration.govt.nz/.../bringing-family-if....

• Англи хэлний курс ба L1-L3 түвшний сургалтад суусан оюутан төгссөнийхөө дараа ажлын виз хүсэх боломжгүй ба Pathway буюу L4+ түвшний дараагийн гүүр сургалтуудад сууснаар Сургалтын дараах ажлын виз хүсэх боломжуудыг нээж болно.

Засгийн газраас энэхүү визний бодлогод байнгын өөрчлөлт хийж байгаа тул доорх линкээр шинэчлэгдсэн мэдээллийг шалгаж байгаарай. https://www.immigration.govt.nz/.../post-study-work-visa

ОНЗА Визний баг