Зуучийн хөлсгүй, Мэргэжлийн багц үйлчилгээ

Зөвлөгөө, чиглэл өгөх: Үйлчлүүлэгчийн боловсрол, мэргэжил, одоогийн нөхцөл байдал болон цаашдын ажил мэргэжлийн сонирхол, хувийн ба гэр бүлийн амьдралын төлөвлөгөөнд нийцүүлэн Шинэ Зеланд дахь боловсролын байгууллагуудын санал болгож буй сургалтын хөтөлбөрүүдээс танилцуулж, үнэн зөв мэдээлэл өгөх, ярилцах, шийдвэр гаргахад нь туслах.

Элсэлтэд тавигдах шаардлага, pathway боломжуудыг таниулах: Үйлчлүүлэгчийн сонирхож буй чиглэлээр ОНЗА-тай гэрээтэй ба гэрээгүй сургалтын байгууллагуудын хөтөлбөрүүдийн элсэлтэд тавигдах шаардлагууд, боломжит pathway-г танилцуулах, шийдвэр гаргахад нь туслах.

Сургалтын төлбөрийн хөнгөлөлт, урамшуулал санал болгох: ОНЗА-тай гэрээтэй сургалтын байгууллагуудаас Монгол пасспорттой оюутанд санал болгож буй тэтгэлэг, хөнгөлөлт, цаг үеийн урамшууллын талаар мэдээлэл өгч, авахад нь туслах

Суралцах өргөдөл гаргахад туслах: Сонгосон сургалтын байгууллагад суралцах өргөдөл, элсэлтийн маягт бөглөх, шаардлагатай бичиг баримтыг бүрдүүлэхэд тусалж, сургалтын 3 хүртэлх байгууллагад Үйлчлүүлэгчийн өмнөөс мэдээллийг илгээх.

Элсэлт, төлбөр төлөх үйл явцад туслах: Оюутны элсэлтийн үйл явцыг саадгүй, шуурхай явуулж, сурах урилга авах, сургалтын төлбөрөө төлөх, эрүүл мэндийн даатгал авах үеийн сургалтын байгууллага болон Үйлчлүүлэгч хоорондын харилцан ойлголцол, мэдээлэл солилцоог хангаж, шаардлагатай үед орчуулга хийж холбох.

Оюутны виз мэдүүлэхэд туслалцаа үзүүлэх: Оюутны визний шаардлага, онлайнаар өргөдөл гаргах үйл явцын талаар мэдээлэл өгч, визний асуултуудыг бүрэн ойлгоход орчуулгын туслалцаа үзүүлэх, баримт бичиг скэнэрдэх, систем рүү оруулах зэргээр виз мэдүүлэхэд шаардлагатай туслалцаа, дэмжлэгийг үзүүлэх

Лицензтэй Визний зөвлөхөөс тусламж авах: ОНЗА нь лицензтэй Визний зөвлөх хувь хүн ба байгууллагатай хамтран ажилладаг ба сургуульд элсэх, оюутны виз мэдүүлэхэд шаардлагатай мэдээллийг гэрээний дагуу Визний зөвлөхөд зөв зохистой дамжуулах, харилцан ойлголцох, шаардлагатай үед орчуулга хийхэд Визний зөвлөх ба Үйлчлүүлэгчийг холбож өгөх.

Баталгаат орчуулагчийн хөнгөлөлттэй үйлчилгээ: Үйлчлүүлэгч өөрийн сонголтоор баталгаат орчуулагчаа сонгох ба хэрэв ОНЗА-гийн хамтран ажиллагч орчуулагчаар үйлчлүүлэх тохиолдолд 20% хөнгөлөлттэй үнээр Монгол-Англи хэлний баталгаат орчуулгын үйлчилгээ үзүүлэх (орчуулагчийн ажлын ачааллаас хамаарна). 

Шинэ зеланд явахаас өмнөх тусламж: Очоод амьдрах түр байр захиалах, сургуулийн оюутны дотуур байранд амьдрах бол захиалж өгөх, хил гааль дээр хориотой бараа бүтээгдэхүүний талаар мэдээлэл өгөх гэх мэт бусад явахаас өмнөх шаардлагуудын талаар мэдээлэл, зөвлөгөө өгөх.

Шинэ зеландад ирсний дараах тусламж: Онгоцны буудлаас тосох (хөтөлбөрөөс хамаараад нэмэлт төлбөртэй), амьдрах байр олоход мэдээлэл өгөх, туслах, банкны данс нээлгэх, утасны дугаар, IRD татварын дугаар, автобусны билет авах, сургууль, хоттой танилцуулах, CV засаж сайжруулах, ярилцлагад бэлдэхэд туслах.

Дасан зохицох, сэтгэл зүйн тусламж: Шинэ улс, орчин, оюутны амьдралд дасан зохицоход шаардлагатай бусад мэдээ, мэдээллээр хангах, сэтгэл зүйн эрүүл мэндийн асуудлаар зөвлөгөө 1 удаа төлбөргүй өгөх, шаардлагатай бол NominCounselling сэтгэл зүйн зөвлөгөөний багцаас 20% хөнгөлөлттэй үнээр үйлчилгээ үзүүлэх. 

Дараагийн үйлчилгээний хөнгөлөлт: Суралцсан хөтөлбөрийн хугацаа дуусаад Шинэ Зеландад дараагийн сургалтад суухаар төлөвлөвөл сонгосон хөтөлбөр, хугацаанаас хамаарч мэргэжлийн үйлчилгээний хураамжаас 70-100% хөнгөлөлттэйгээр гэрээний хугацааг сунган үйлчилгээ авах боломжтой.